ببە بە ڕاوێژکار لە پرۆگرامی دروێنە و پشتگیری کشتوکاڵێکی بەردەوامتر لە هەرێمی کوردستانی عێراق بکە.

لەگەڵ پرۆگرامی دروێنە لە هەرێمی کوردستانی عێراق ڕاوێژکاری بکە: جووتیار و ڕێکخراوە پشتیوانەکان بەهێزتر بکە

ئامانجی پرۆگرامی دروێنە کۆکردنەوەی شارەزایان و پیشەگەرە خاوەن ئەزموونەکان و چالاکوانانی کشتوکاڵی ناوخۆیی یە بۆ بنیاتنان و دروستکردنی کەرتێکی کشتوکاڵی خۆڕاگرتر، گشتگیرتر، و بەردەوامتر لە هەرێمی کوردستانی عێراق.

بەرنامەکە دەستپێشخەرییەکی پشتگیریی تەواوی یەکگرتووە، کە ئامانجی بەهێزکردنی خۆڕاگرییە لە کەرتی کشتوکاڵی هەرێمی کوردستانی عێراق دا. لە ڕێگەی بەهێزکردنی توانای تەکنیکی و دارایی بۆ ٥٠ جووتیارانی خاوەن پارچە زەوی بچووک و پڕۆژە بچووکەکان، لەگەڵ ٢٠ ڕێکخراوی پاڵپشتیکردنی بازرگانی و کۆمەڵەی جووتیاران، بەرنامەکە ژێرخانێکی پشتیوانی دادەمەزرێنێت کە یارمەتی دەدات لە دروستکردنی تەبایی کۆمەڵایەتیی زیاتر لە نێو کۆمەڵگە جووتیارەکان و زنجیرە بەهاکانی کشتوکاڵی هەرێم.

وەک ڕاوێژکارێکی پرۆگرامی دروێنە، تۆ پشتگیری جووتیارانی خاوەن پارچە زەوی بچووک و پرۆژە بچووکەکانی نێو گوندەکان، ڕێکخراوی پاڵپشتیکردنی بازرگانی و کۆمەڵەی جووتیاران دەکەیت. لەڕێی بەخشینی شارەزاییەکەت، ڕێنماییکردنی گەشەکردنیان، و بەشداربوون لە بەهێزکردنی زنجیرە بەهاکانی کشتوکاڵی لە هەولێر، سلێمانی، هەڵەبجە، و دهۆک.

ئایا پرۆگرامی دروێنە گونجاوە بۆ تۆ؟

ئێمە بەدوای پیشەگەرە خاوەن ئەزموونەکاندا دەگەڕێین ئەم تایبەتمەندییانەیان هەیە:

• ئەزموونی کرداری و مەیدانی لە بواری کشتوکاڵی، کاروباری کشتوکاڵی، یان زنجیرە بەهاکانی کشتوکاڵی دا؛
• شارەزایی سەلمێنراو لە بواری ڕاوێژکاری، خزمەتگوزاری ئامۆژگاری، یان بنیاتنانی توانا هەبێت بۆ جووتیارانی خاوەن پارچە زەوی بچووک و پڕۆژە بچووکەکان، ڕێکخراوی پاڵپشتیکردنی بازرگانی یان کۆمەڵەی جووتیاران؛
• زانیاری تایبەت بە کەرتی کشتۆکاڵی هەبێت کە لەگەڵ بوارە سەرەکییەکانی پرۆگرامی دروێنە یەکبگرێتەوە، وەک شێوازەکانی کشتوکاڵی بەردەوام، بەڕێوەبردنی کاروباری کشتوکاڵی، دارایی کشتوکاڵی، یان دەستڕاگەیشتن بە بازار؛
• ئاشنا بێت لەگەڵ ژینگەی فرە-کەلتووری، پرۆژەکانی گەشەپێدانی نێودەوڵەتی، سیستەمەکانی کشتوکاڵی، و گەشەپێدانی کشتۆکاڵی لە هەرێمی کوردستانی عێراق، و/یان ئامادەبێت بۆ پێشکەشکردنی ڕاوێژکاری مەیدانی، لەگەڵ سەردانیکردنی کێڵگەکان لە هەولێر، سلێمانی، دهۆک، و هەڵەبجە؛
• باشتر وایە کوردی زمانی دایکی بێت بێت (سۆرانی و/یان بادینی) و/یان عەرەبی بزانێت، و توانای دروستکردنی پەیوەندیی کاریگەر لەگەڵ کۆمەڵە جووتیارە ناوخۆییەکان هەبێت.