ببە ڕێنیشاندەرێ بەرنامێ دروین
ئارمانجا بەرنامێ دورین کۆمڤەکرنا پیشەساز و شارەزایێن خۆدان ئەزموون و چالاکڤانێن چاندنێ یێن ناڤخۆیی یە بۆ ئاڤاکرنا کەرتەکێ چاندنێ یێ خۆڕاگرتر، و گشتگیرتر و دەمدرێژترە ل هەرێما کوردستانا عیراقێ.
ئەڤ بەرنامەیە دەستپێشخەرییەکا پشتەڤانییا تەمام و ئێکگرتییە کو ئارمانج ژێ دروستکرنا خۆڕاگرییێ یە د کەرتێ چاندنێ دا ل هەرێما کوردستانا عیراقێ. ب ڕێکا بهێزکرنا شیانێن تەکنیکی و دارایی بۆ ٥٠ جوتیار و پرۆژەیێن چاندنێ یێن بچویک، دگەل ٢٠ ڕێکخراوێن پشتەڤانییا بازرگانی و کۆمەڵەیێن جوتیاران، ئەڤ بەرنامەیە ژێرخانەکا پشتەڤانییێ دروست دکەت کو بەشدارە د دروستکرنا ئێکگرتنەکا بهێزتر یا جڤاکی دناڤا جڤاکێن جوتیاری و زنجیرا بهایێن بەرهەمێ چاندنێ ل هەرێمێ.
وەک ڕێنیشاندەرەک، تۆ دێ پشتەڤانییا جوتیار و پرۆژەیێن چاندنێ یێن بچویکێن گوندنشینا، ڕێکخراوێن پشتەڤانییا بازرگانی و کۆمەڵەیێن جوتیاران کەی ب ڕێکا بەڵاڤکرنا شارەزاییا خۆ، ڕێنیشاندانا گەشەکرنا وان، و بەشداریکرن د بهێزکرنا زنجیرا بهاییێن بەرهەمێ چاندنێ ل سەرانسەری هەولێر، سلێمانی، هەڵەبجە، و دهۆکێ.
