بنیاتنانی کۆمەڵگەی کشتوکاڵی بەهێزتر، خۆڕاگرتر و گشتگیرتر لە سەرانسەری هەرێمی کوردستان
پرۆگرامی (دروێنە) پاڵپشتی تەکنیکی و دارایی بۆ 50 لە جووتیارە بچووک و مامناوەندەکانی کشتوکاڵ لە هەرێمی کوردستانی عێراق دابین دەکات.
لە ڕێگەی ڕاهێنانی کرداری ، پێشەوای و پاڵپشتی دارایی، پرۆگرامەکە هان بە بەشداربووانی دەدات بۆ زیادکردنی بەرهەمداری، پەیڕەوکردنی کرداری بەردەوام، فراوانکردنی پەیوەندیەکانیان، گەیشتن بە بازاڕی نوێ، و بنیاتنانی خۆڕاگری لە کارەکانیاندا.
قۆناغی یەکەم:
پرۆگرامەکە بە کەمپێکی 4 ڕۆژیی پر لە چالاکی دەست پێدەکات کە 75 جووتیاری بچووک و مامناوەند لەگەڵ 20 دامەزراوەی پاڵپشتی بازرگانی لەخۆ دەگرێت.
وەک بەشداربوویەک لەم کەمپە، تۆ:
- شارەزایی نوێ بۆ کشتوکاڵ و بەڕێوەبردنی کارەکەت فێر دەبیت
- ئەزموون و بیرۆکەکان لەگەڵ جووتیاران و دامەزراوەکانی تر ئاڵوگۆڕ دەکەیت
- ئاستەنگی و دەرفەتە سەرەکییەکانی کۆمەڵگاکەت دیاری دەکەیت
- دەست دەکەیت بە دروستکردنی پەیوەندیەکان بۆ پاڵپشتی درێژخایەن.
قۆناغی دووەم:
دوای کەمپەکە، 50 لە جووتیاری بچووک و مامناوەند هەڵدەبژێردرێن بۆ بەشداریکردن لە قۆناغی 4 مانگە بۆ پاڵپشتی ئامانجدار.
بەدرێژایی ئەم قۆناغە، هەر بەشداربوویەک ئەمانە وەردەگرێت:
- ڕاهێنان و ئامۆژگاری لەسەر بەڕێوەبردنی کێڵگەی کشتوکاڵی، بەرهەمهێنان و کارامەیی بازرگانی،
- سەردانی مەیدانی لەلایەن شارەزایان و هاوکاران بۆ ڕێنمایی و پشتگیریکردنتان
- پاڵپشتی دارایی نانەختی بە بڕی 3000 یۆرۆ تەرخانکراوە بۆ وەبەرهێنان لە خزمەتگوزارییەکانی باشترکردنی کێڵگە کشتوکاڵیەکەت یان کارەکەت.
